കാസര്‍കോട്: മൊഗര്‍ മുഹ്‌യദ്ദീന്‍ ജുമാ മസ്ജിദിന് കീഴില്‍ പ്രവര്‍ത്തിക്കുന്ന നൂറുല്‍ ഇസ്‌ലാം മദ്‌റസയുടെ കെട്ടിടോദ്ഘാടനവും  സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍  നിര്‍വഹിച്ചു. പൊതുസമ്മേളനം സയ്യിദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്തു. ഉമ്പു തങ്ങള്‍ ആദൂര്‍ പ്രാര്‍ഥന നടത്തി. സൈനുല്‍ ആബിദീന്‍  തങ്ങള്‍ കുന്നുംകൈ അധ്യക്ഷനായി.
ആദൂര്‍ പടിയത്തടുക്ക ജുമാ മസ്ജിദ് മുന്‍വശത്ത് നിന്നു നിരവധി വാഹനങ്ങളുടെ അകമ്പടിയോടെ ജിഫ്രി തങ്ങളെ സ്വീകരിച്ചു.
കാസര്‍കോട് ജില്ലാ സമസ്ത ജനറല്‍ സെക്രട്ടറിയും എം.ഐ സി കാര്യദര്‍ശിയുമായ യു.എം അബ്ദുല്‍ റഹ്മാന്‍ മുസ്‌ലിയാര്‍ വിശിഷ്ടാതിഥിയായി.
മഗ്‌രിബ് നിസ്‌കാരാനന്തരം നടന്ന സ്വലാത്ത് മജ്‌ലിസിന് സൈനുല്‍ ആബിദീന്‍ തങ്ങള്‍ നേതൃത്വം നല്‍കി. യൂസുഫ് മുസ്‌ലിയാര്‍ മണിയൂര്‍, സ്ഥലം ഖത്തീബ് അലി ഖാദിരി, സി.കെ മുഹമ്മദ് ദാരിമിഅഷ്‌റഫ് റഹ്മാനി ചൗക്കി പ്രഭാഷണം നടത്തി.
മൊഗര്‍ മഹല്ല് വെല്‍ഫെയര്‍ കമ്മിറ്റിയുടെ കാരുണ്യ പ്രവര്‍ത്തനമായ ബൈത്തുന്നുരിന്റെ താക്കോല്‍ ദാന ചടങ്ങ് സയ്യിദ് ജിഫ്രി തങ്ങള്‍ നിര്‍വഹിച്ചു.
മൊഗര്‍ ഖിദ്ദ്മത്തുല്‍ ഇസ്‌ലാം കമ്മിറ്റി റെയ്ഞ്ച് തലത്തില്‍ സംഘടിപ്പിച്ച കുരുന്ന് ക്വിസ്സ് വിജയികള്‍ക്കുള്ള സമ്മാനം സൈനുല്‍ ആബിദീന്‍ തങ്ങള്‍ നല്‍കി. ഹാശിം ദാരിമി ഊ ജംപാടി ,ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍, മുസ്തഫ ഹാജി, കെ.എച്ച് ശാഫി ഹാജി, സി.എച്ച് അശ്‌റഫ് ഹാജി, സ്ഥലം ഖത്തീബ് അലി ഖാദിരി, മുഹമ്മദ് കുഞ്ഞി മുസ്‌ല്യാര്‍ മണിയൂര്‍, കെ.എച്ച് അസൈനാര്‍ ഹാജി, എ.ബി ബഷീര്‍ പങ്കെടുത്തു.
മൊഗര്‍ ജമാഅത്ത് പ്രസിഡന്റ് മൊയ്തീന്‍ കുഞ്ഞി ഹാജി, ജനറല്‍ സെക്രട്ടറി മഷ്ഹുദ് സാഹിബ് മൊഗര്‍, മൊഗര്‍ ഖിദ്മത്തുല്‍ ഇസ്‌ലാം ജനറല്‍ സെക്രട്ടറി സിദ്ദീഖ് ഹുദവി മണിയൂര്‍, ഹമീദ് പള്ളങ്കോട്, മൊഗര്‍ ശാനിദ്, ഹാശിം മൊഗര്‍, ഇബ്രാഹിം പിണ്ടിക്കൈ, ശാഫി എം.കെ മൊഗര്‍, സാബിര്‍ മൊഗര്‍,സ്വാദിഖ് മൊഗര്‍ എന്നിവര്‍ സംബന്ധിച്ചു.