തളിപ്പറമ്പ: നമ്മുടെ നഗരം, ഹരിത നഗരം പദ്ധതിയുടെ ഭാഗമായി മാലിന്യ രഹിത ഫറൂഖ് നഗര്‍ ബോധവല്‍ക്കരണ കാംപയിന്‍ ഉദ്ഘാടനം തളിപ്പറമ്പ് നഗരസഭാ ചെയര്‍മാന്‍ മഹ്മൂദ് അള്ളാംകുളം നിര്‍വഹിച്ചു. വാര്‍ഡ് കൗണ്‍സിലര്‍ കെ മുഹമ്മദ് ബഷീര്‍ അധ്യക്ഷനായി.
കൗണ്‍സിലര്‍ വിഷന്‍ 2020 പദ്ധതിയില്‍ ഉള്‍പ്പെടുത്തി വാര്‍ഡിലെ മുഴുവന്‍ വീടുകളിലേക്കും നല്‍കുന്ന തുണിസഞ്ചിയുടെ വിതരണ ഉദ്ഘാടനവും ചെയര്‍മാന്‍ നിര്‍വഹിച്ചു. ബോധവല്‍ക്കരണ ക്ലാസിന് കെ. സുരേന്ദ്രന്‍ അടുത്തില നേതൃത്വം നല്‍കി.
ഡെപ്യൂട്ടി തഹസില്‍ദാര്‍ കെ.വി അബ്ദുല്‍ റഷീദ്, കെ.എസ് റിയാസ്, എ.പി ഖാദര്‍, ബദരിയ ബഷീര്‍, എ.പി ഉമ്മര്‍, ലക്ഷ്മണന്‍, എ.പി അബു, കെ.വി സിറാജ് സംസാരിച്ചു.