തളിപ്പറമ്പ്: സര്‍സയ്യിദ് കോളജ് കേരള ശാസ്ത്ര സാങ്കേതിക പരിസ്ഥിതി കൗണ്‍സിലുമായി ചേര്‍ന്ന് സയന്‍സ് ദിനാഘോഷത്തിന്റെ ഭാഗമായി കാംപസില്‍ വിവിധയിനം മാവുകള്‍ വച്ചുപിടിപ്പിക്കല്‍ പദ്ധതിക്കു തുടക്കമിട്ടു.
കാര്‍ഷിക കീട നിയന്ത്രണം -പരസ്ഥിതി സൗഹൃദപരമായി എന്ന വിഷയത്തില്‍ സെമിനാറും വിദ്യാര്‍ഥികള്‍ക്കായി വിഷയാവതരണ മത്സരവും നടത്തി. പടന്നക്കാട് കാര്‍ഷിക സര്‍വകലാശാല, പിലിക്കോട് കാര്‍ഷിക ഗവേഷണ കേന്ദ്രം എന്നിവിടങ്ങളിലേക്ക് പഠനയാത്രയും സംഘടിപ്പിച്ചു.
ശാസ്ത്രദിന പരിപാടികള്‍ കോളജ് പ്രിന്‍സിപ്പല്‍ ഡോ. കെ.എം പ്രസീദ്  ഉദ്ഘാടനം ചെയ്തു.
കോഴിക്കോട് ദേശീയ സുഗന്ധദ്രവ്യ ഗവേഷണകേന്ദ്രം പ്രിന്‍സിപ്പല്‍ ഡോ. ടി.കെ ജേക്കബ്, പന്നിയൂര്‍ കൃഷി വിജ്ഞാന കേന്ദ്രത്തിലെ അശ്വിന്‍ എന്നിവര്‍ ക്ലാസെടുത്തു. ടി.എം.വി മുംതാസ്, ഡോ. ഷംസുദ്ദീന്‍ അഫീഫ്, റിന്റു പ്രകാശ,് മുനീര്‍ നേതൃത്വം നല്‍കി.