ജിദ്ദ: സഊദിയുടെ നേതൃത്വത്തിലുള്ള സഖ്യസേന യെമനിലെ തുറമുഖ നഗരമായ ഹുദൈദയോടടുക്കുന്നു. ദീര്‍ഘകാലമായി ആഭ്യന്തര യുദ്ധം നടക്കുന്നതിലെ പ്രധാനപ്പെട്ട ഒരു കേന്ദ്രമാണ് പടിഞ്ഞാറന്‍ തുറമുഖ നഗരമായ ഹുദൈദ.

എന്നാല്‍, ഇവിടെ പിടിച്ചെടുത്തതായോ ആക്രമണം നടത്തിയതായോ വാര്‍ത്തകള്‍ പുറത്തു വന്നിട്ടില്ല. ഇറാന്റെ നേതൃത്വത്തിലുള്ള ഹൂതികള്‍ക്കു നേരെയാണ് സഊദി ഇവിടെ ആക്രമണം നടത്തുന്നത്. ഹൊദൈദക്ക് 20 കിലോമീറ്റര്‍ അകലെയുള്ള സൈനിക നടപടി തുടരുകയാണെന്നും ഉടന്‍ ഹൊദൈദയിലേക്ക് പ്രവേശിക്കുമെന്ന് സൗദി വക്താവ് തുര്‍കി അല്‍ മാലികി പറഞ്ഞു. തിങ്കളാഴ്ച റിയാദില്‍ നടന്ന വാര്‍ത്താസമ്മേളനത്തിലാണ് അദ്ദേഹം ഇക്കാര്യമറിയിച്ചത്.