ജക്കാര്‍ത്ത: അഞ്ചു ദിവസത്തെ വിദേശ പര്യടനത്തിനായി പ്രധാനമന്ത്രി നരേന്ദ്ര മോദി ഇന്തൊനേഷ്യയിലെത്തി. മലേഷ്യ, സിംഗപ്പൂര്‍ എന്നീ രാജ്യങ്ങളിലും മോദി സന്ദര്‍ശനം നടത്തും.

ജക്കാര്‍ത്തയില്‍ ഇന്തൊനേഷ്യന്‍ പ്രസിഡന്റ് ജോകോ വിഡോഡോ മോദിയെ സ്വീകരിച്ചു. അദ്ദേഹവുമായി മോദി വിശദമായ കൂടിക്കാഴ്ച നടത്തും. ഇന്ത്യന്‍ സമൂഹത്തെയും മോദി അഭിസംബോധന ചെയ്യും. ജക്കാര്‍ത്തയില്‍ നാളെ വൈകിട്ട് നാലു മണിക്കാണ് ഈ പരിപാടി.

പിന്നീട് മലേഷ്യയിലേക്കു തിരിക്കുന്ന മോദി പുതുതായി തെരഞ്ഞെടുക്കപ്പെട്ട മഹാതീര്‍ മുഹമ്മദിനെ അഭിനന്ദിക്കും. തുടര്‍ന്ന് മോദി സിംഗപ്പൂരിലേക്കു തിരിക്കും.