പാലക്കാട്: ജനമൈത്രി കേന്ദ്രം, കെ.എ.പി രണ്ടാം ബറ്റാലിയന്റെ 2016-2017 സാമ്പത്തിക വര്‍ഷത്തെ പ്രവര്‍ത്തനങ്ങളുടെ സമാപനത്തിന്റെ ഭാഗമായി വിവിധ സ്ഥാപനങ്ങള്‍ക്കും നിര്‍ധനരായ രോഗികള്‍ക്കുമുള്ള ചികിത്സാ ഉപകരണങ്ങള്‍, സാമ്പത്തികമായി പിന്നാക്കം നില്‍ക്കുന്ന സമീപപ്രദേശങ്ങളിലെ കുട്ടികള്‍ക്കുള്ള പഠനോപകരണങ്ങള്‍, കായികസാമഗ്രികള്‍ എന്നിവയുടെ വിതരണവും സമാപനസമ്മേളനവും നാളെ രാവിലെ 10ന് പട്ടികജാതി-വര്‍ഗ-പിന്നാക്കക്ഷേമ-നിയമ-സാംസ്‌കാരിക-പാര്‍ലമെന്ററികാര്യ വകുപ്പ് മന്ത്രി എ.കെ.ബാലന്‍ നിര്‍വഹിക്കും.
കെ.എ.പി.രണ്ടാം ബറ്റാലിയന്‍ കമാണ്ടന്റ് മെറിന്‍ ജോസഫ് അധ്യക്ഷനാകുന്ന പരിപാടിയില്‍ പുതുപ്പരിയാരം പഞ്ചായത്ത് പ്രസിഡന്റ് എം.കെ.നാരായണന്‍, വാര്‍ഡ്‌മെമ്പര്‍മാരായ പി.രാമചന്ദ്രന്‍, സി.സി.സതീഷ്, കെ.എ.പി രണ്ടാം ബറ്റാലിയന്‍ അസി.കമാണ്ടന്റ് പി.എന്‍.സജി, സെക്രട്ടറി എസ്.ശ്യാം എന്നിവരും മറ്റ് ഉദ്യോഗസ്ഥരും പങ്കെടുക്കും.