പട്ടാമ്പി: പട്ടാമ്പി നിയോജക മണ്ഡലം കമ്മറ്റിയുടെ നേതൃത്വത്തില്‍ റമദാന്‍ സംഗമവും, അനുസ്മരണവും പട്ടാമ്പി നക്ഷത്ര റീജന്‍സിയില്‍ വെച്ച് സംഘടിപ്പിച്ചു. പരിപാടിയുടെ ഉദ്ഘാടനം നിയോജക മണ്ഡലം മുസ്‌ലിം ലീഗ് ജനറല്‍ സെക്രട്ടറി പി.ടി കുഞ്ഞാനു മാസ്റ്റര്‍ നിര്‍വഹിച്ചു. മണ്ഡലം യൂത്ത് ലീഗ് പ്രസിഡന്റ് ് കെ സി സല്‍മാന്‍ അദ്ധ്യക്ഷനായി. യൂത്ത്‌ലീഗ് നേതൃത്വത്തിലിരിക്കെ വിടപറഞ്ഞ പി.എം ഹനീഫ്, ഉബൈദ് ചങ്ങലീരി അനുസ്മരണവും ജില്ലാ മുസലിം ലീഗ് സെക്രട്ടറി കെ.ടി.എ ജബ്ബാര്‍ നിര്‍വഹിച്ചു. ഗള്‍ഫിലേക്ക് പോകുന്ന മണ്ഡലം ഭാരവാഹി സി.പി മുസ്തഫക്ക് യാത്രയയപ്പും നല്‍കി. ഖത്തര്‍ കെ.എം.സി.സി സംസ്ഥാന സെക്രട്ടറി കെ.പി മുഹമ്മദാലി, യൂത്ത്‌ലീഗ് ജില്ലാ ജനറല്‍ സെക്രട്ടറി സി.എ സാജിത്ത്, വൈസ് പ്രസിഡന്റ് കുഞ്ഞിമുഹമ്മദ് മാസ്റ്റര്‍, മണ്ഡലം ജനറല്‍ സെക്രട്ടറി സി.എ റാസി, ഭാരവാഹികളായ കുഞ്ഞി മുഹമ്മദ്, ഫാറൂഖ് മാസ്റ്റര്‍, കെ.എ റഷീദ്, സി.പി മുസ്തഫ, കെ.എം മുജീബുദ്ധീന്‍, കെ.എം.എ ജലീല്‍ തുടങ്ങിയവര്‍ സംബന്ധിച്ചു.