ഹാമില്‍ട്ടന്‍: ന്യൂസിലന്‍ഡിനെതിരായ മൂന്നാം ടെസ്റ്റില്‍ ദക്ഷിണാഫ്രിക്ക പരുങ്ങലില്‍. 175 റണ്‍സ് ഒന്നാം ഇന്നിങ്‌സ് ലീഡ് വഴങ്ങി രണ്ടാം ഇന്നിങ്‌സ് തുടങ്ങിയ ദക്ഷിണാഫ്രിക്ക നാലാം ദിനം കളി നിര്‍ത്തുമ്പോള്‍ അഞ്ചു വിക്കറ്റ് നഷ്ടത്തില്‍ 80 റണ്‍സെന്ന നിലയില്‍ തകര്‍ച്ചയെ നേരിടുന്നു.
അഞ്ചു വിക്കറ്റുകള്‍ ബാക്കി നില്‍ക്കേ ലീഡ് മറികടക്കാന്‍ അവര്‍ക്ക് ഇനിയും 96 റണ്‍സ് കൂടി വേണം. 15 വീതം റണ്‍സുമായി നായകന്‍ ഫാഫ് ഡൂപ്ലെസിസും ക്വിന്റന്‍ ഡി കോക്കും ക്രീസില്‍.
എല്‍ഗാര്‍ (അഞ്ച്), ഡി ബ്രുയന്‍ (12), ഹാഷിം അംല (19), ഡുമിനി (13), ബവുമ (ഒന്ന്) എന്നിവരാണു പുറത്തായത്. കിവികള്‍ക്കായി ജീതന്‍ പട്ടേല്‍ രണ്ടു വിക്കറ്റുകള്‍ വീഴ്ത്തി.
നേരത്തെ കെയ്ന്‍ വില്ല്യംസന്‍ നേടിയ സെഞ്ച്വറി (176) യാണു കിവികള്‍ക്കു മികച്ച സ്‌കോര്‍ സമ്മാനിച്ചത്.