കയ്പമംഗലം: പെരിഞ്ഞനം ശിഹാബ് തങ്ങള്‍ റിലീഫ് സെല്ലിന്റെയും മുസ്‌ലിം ലീഗ് പഞ്ചായത്ത് കമ്മിറ്റിയുടെയും സംയുക്താഭിമുഖ്യത്തില്‍ റിലീഫ് വിതരണവും വിദ്യാഭ്യാസ അവാര്‍ഡ് ദാനവും സംഘടിപ്പിച്ചു. യൂത്ത് ലീഗ് ജില്ലാ ജനറല്‍ സെക്രട്ടറി കെ.കെ അഫ്‌സല്‍ ഉദ്ഘാടനം ചെയ്തു. മുസ്‌ലിം ലീഗ് പഞ്ചായത്ത് കമ്മിറ്റി പ്രസിഡന്റ് കെ.എ സുലൈമാന്‍ അധ്യക്ഷനായി. സുബൈര്‍ സഅദി മുഖ്യപ്രഭാഷണം നടത്തി.
കെ.എം.സി.സി ദമാം പ്രസിഡന്റ് പി.കെ അബ്ദു റഹീം റിലീഫ് വിതരണം നടത്തി. കെ.എം നിഷാദ്, എന്‍.എം അബ്ദുള്‍ ഖാദര്‍ ഹാജി, മുഹമ്മദ് പുന്നിലത്ത്, അസ്‌ലം മഹുളറ, പി.എസ് സജിത്ത്, എം.യു.ബഷീര്‍ സംസാരിച്ചു.