തിരൂര്‍: എസ്.കെ.എസ്.എസ്.എഫ് തിരൂര്‍ ഏരിയാ കമ്മിറ്റിയുടെ ആഭിമുഖ്യത്തില്‍ പൂങ്ങോട്ടുകുളം ദാറുസ്സലാം മാള്‍ ഉദ്ഘാടനത്തോടനുബന്ധിച്ച് സംഘടിപ്പിക്കുന്ന ദ്വിദിന മതപ്രഭാഷണത്തിനും ബുര്‍ദ്ധ ആസ്വാദന സദസ്സുകള്‍ക്കും നാളെ തുടക്കമാകും.
 സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. ' മതം സംഘര്‍ഷമല്ല: സൗഹൃദമാണ് ' എന്ന വിഷയത്തില്‍ അല്‍ഹാഫിള് അഹ്മദ് കബീര്‍  ബാഖവി കാഞ്ഞാര്‍ മുഖ്യപ്രഭാഷണം നടത്തും. 31ന് അത്ഭുത ബാലന്‍ ശാഫി അല്‍ അഖ്‌സ' മുത്തുനബിയുടെ മദീന' എന്ന ശീര്‍ഷകത്തില്‍ പ്രഭാഷണം നടത്തും.  
കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.  തുടര്‍ന്ന് ഏപ്രില്‍ ഒന്ന് മുതല്‍ നാലു വരെയുള്ള ദിവസങ്ങളില്‍ വൈകീട്ട് ഏഴിന് പ്രമുഖ ബുര്‍ദ്ദ ഖവ്വാലി ടീമുകള്‍ അവതരിപ്പിക്കുന്ന ബുര്‍ദ്ദ ആസ്വാദന സദസുകളും നടക്കും.
ഏപ്രില്‍ അഞ്ചിന് രാവിലെ 10ന് ദാറുസ്സലാം മാള്‍ പാണക്കാട് സയ്യിദ് ഹൈദരലി തങ്ങള്‍ സമര്‍പ്പിക്കും.