പൊന്നാനി: ചമ്രവട്ടം ജങ്ഷനില്‍ മത്സ്യ മാര്‍ക്കറ്റിന് സമീപം നിര്‍ത്തിയിട്ട സ്‌കൂട്ടര്‍ മോഷണം പോയി. പുറത്തൂര്‍ ബോട്ട് ജെട്ടി സ്വദേശി ഏണ്ടി ബാബുവിന്റെ കെ.എല്‍.55 കെ. 2 157 വെള്ളമഹീന്ദ്ര ഡ്യൂറോ സ്‌കൂട്ടറാണ് മോഷണം പോയത്.
ഞായറാഴ്ച വൈകിട്ട് 4 മണിയോടെ കണ്ടു കുറമ്പ് കാവില്‍ ഉത്സവം കാണുന്നതിന് വേണ്ടി ബാബു ചമ്രവട്ടം ജങ്ഷനില്‍ സ്‌കൂട്ടര്‍ നിര്‍ത്തി പോവുകയും ഉത്സവം കഴിഞ്ഞ് ഏഴ് മണിക്ക് വാഹനം എടുക്കാന്‍ വന്നപ്പോഴാണ് സ്‌കൂട്ടര്‍ കാണാതാവുന്നത്.
സ്‌കൂട്ടറിന്റെ ബോക്‌സില്‍ സൂക്ഷിച്ചിരുന്ന ബാബുവിന്റെ പാസ്‌പോര്‍ട്ട്, റേഷന്‍ കാര്‍ഡ്, രണ്ട് എ.ടി.എം.കാര്‍ഡ്, ആധാര്‍ കാര്‍ഡ് ഐ.ഡി. കാര്‍ഡ്, ഫിഷറീസ് പാസ്ബുക്ക്, ലൈസന്‍സ്, ആര്‍.സി.ബുക്ക് എന്നിവയും നഷ്ടപ്പെട്ടു. പൊന്നാനി പൊലിസില്‍ പരാതി നല്‍കി.