പള്ളിക്കല്‍: ഇന്ന് ഇന്ത്യ നേരിടുന്ന ഏറ്റവും വലിയ വെല്ലുവിളി ഫാസിസത്തിന്റെ വളര്‍ച്ചയും മതേത്വരത്തിന്റെ തകര്‍ച്ചയുമാണെന്ന് മുന്‍ മുഖ്യമന്ത്രി ഉമ്മന്‍ചാണ്ടി പറഞ്ഞു. മലപ്പുറം ലോകസഭാ മണ്ഡലം ഉപതെരഞ്ഞെടുപ്പിന്റെ പ്രചരണാര്‍ഥം യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടിയുടെ വള്ളിക്കുന്ന് മണ്ഡലം തെരഞ്ഞെടുപ്പ് പ്രചാരണ പര്യടനത്തിന്റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഫാസിസ്റ്റ് ശക്തികള്‍ ഇന്ത്യ ഭരിക്കുന്ന ഈ സന്ദര്‍ഭത്തില്‍ അതിനെതിരേ പോരാടാന്‍ തെരഞ്ഞെടുക്കപ്പെടുന്ന ആദ്യത്തെ പ്രതിനിധി മതേത്വരത്തിന് പേരുകേട്ട മലപ്പുറത്ത് നിന്ന് തന്നെയാവട്ടെയെന്നും ഉമ്മന്‍ചാണ്ടി കൂട്ടി ചേര്‍ത്തു. എം. മാനുക്കുട്ടന്‍ അധ്യക്ഷനായി. പി. അബ്ദുല്‍ ഹമീദ് മാസ്റ്റര്‍ എം.എല്‍.എ, പി.സി വിഷ്ണുനാഥ്, ഷിബു മീരാന്‍, സിദ്ദീഖലി രാങ്ങാട്ടൂര്‍, ഡോ.വി.പി അബ്ദുല്‍ ഹമീദ് മാസ്റ്റര്‍, ബക്കര്‍ ചെര്‍ണൂര്‍, എ.കെ അബ്ദുറഹ്മാന്‍, പി.പി ഹംസ, റിയാസ് മുക്കോളി, പി.എം ഷാഹുല്‍ ഹമീദ്, കെ. ഗോപി, നിഥീഷ്, വി.പി ഷുക്കൂര്‍, കെ.പി മുസ്തഫ തങ്ങള്‍, കെ.വി അബ്ദുല്‍ ജബ്ബാര്‍ സംസാരിച്ചു.