മലപ്പുറം: ഡിസംബര്‍ 22, 23, 24 തിയതികളില്‍ പെരിന്തല്‍മണ്ണ ബഫഖീ തങ്ങള്‍ നഗറില്‍  നടക്കുന്ന ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ സമ്മേളനത്തിന്റെ  ഭാഗമായി ജില്ലയിലെ 1300 മദ്‌റസ തലങ്ങളില്‍ ആര്‍.പിമാര്‍ കര്‍മരംഗത്തിറങ്ങും. മെയ് മൂന്നുമുതല്‍ ഡിസംബര്‍വരെ മഹല്ല് തലങ്ങളില്‍ വിവിധ  പ്രവര്‍ത്തനങ്ങള്‍ക്ക് ഇവര്‍ നേതൃത്വം നല്‍കും. മുഅല്ലിം ട്രെയ്‌നിങ് സെന്റര്‍, മുതഅല്ലിം ശില്‍പശാല, രക്ഷാകര്‍തൃ പരിശീലനം, കുടുംബസമ്മേളനം,  മാനേജ്‌മെന്റ് ശാക്തീകരണം, മഹല്ല് ക്രമീകരണം, കുടിനീര്‍ സംരക്ഷണം, മുഅല്ലിം ഭവനപദ്ധതി, സാഹിത്യ പ്രചാരണ കാംപയിന്‍, തജ്‌വീദ് സെന്ററുകള്‍ തുടങ്ങി  വിവിധ പദ്ധതികള്‍ സമ്മേളനത്തിന്റെ ഭാഗമായി നടക്കും.