ചെറുവത്തൂര്‍: കൈതക്കാട് ഖിളര്‍ മസ്ജിദ് 30ന് പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മഗ്‌രിബ് നിസ്‌കാരത്തോടെ ചടങ്ങുകള്‍ ആരംഭിക്കും. സമസ്ത ജനറല്‍ സെക്രട്ടറി ആലിക്കുട്ടി മുസ്‌ലിയാര്‍ മുഖ്യാതിഥിയാകും.
ത്വാഖാ അഹമ്മദ് മൗലവി, യു.എം അബ്ദുറഹ്മാന്‍ മുസ്‌ലിയാര്‍, ടി.കെ പൂക്കോയ തങ്ങള്‍, മുസ്തഫ അഷ്‌റഫി കക്കുപ്പടി, മുസ്തഫ ഹുദവി ആക്കോട് സംബന്ധിക്കും.
പരിപാടിയുടെ ഭാഗമായി 31ന് ജുമുഅ ഉദ്ഘാടനം ഡോ. ബഹാഉദ്ദീന്‍ മുഹമ്മദ് നദ്‌വി നിര്‍വഹിക്കും. മൂന്നിന് പ്രവാസി സംഗമവും ഏഴിന് പ്രഭാഷണവും നടക്കും. ഏപ്രില്‍ ഒന്നിന് ഖത്തര്‍ തര്‍ബിയ അഖില കേരള ഖുര്‍ആന്‍ പാരായണ മത്സരം മുഹമ്മദ് കോയ ജമലുല്ലൈലി തങ്ങള്‍ ഉദ്ഘാടനം ചെയ്യും. മെട്രോ മുഹമ്മദ് ഹാജി മുഖ്യാതിഥിയാകും.
രണ്ട്, മൂന്ന് തിയതികളില്‍ മതപ്രഭാഷണം നടക്കും. റഹ്മത്തുല്ലാഹ് ഖാസിമി മൂത്തേടം, അയ്യൂബ് മന്നാനി പ്രഭാഷണം നടത്തും. ഏപ്രില്‍ നാലിന് മജ്‌ലിസുന്നൂര്‍ നടക്കും.