ന്യൂഡല്‍ഹി: ഡല്‍ഹിയിലെ മാളവ്യ നഗറില്‍ കഴിഞ്ഞ ദിവസമുണ്ടായ വന്‍ അഗ്‌നിബാധ നിയന്ത്രണ വിധേയമാക്കി.
20 മണിക്കൂറുകളോളം നീണ്ട അഗ്നിതാണ്ഡവം വ്യോമസേന ഹെലികോപ്റ്ററുകളുടെ സഹായത്താലാണ് അണച്ചത്.
കഴിഞ്ഞ ദിവസം വൈകിട്ടു തീപിടിച്ച ഗോഡൗണിലെ തീയണയ്ക്കാനാണ് എം.ഐ 17 ഹെലികോപ്റ്ററുകള്‍ ഉപയോഗപ്പെടുത്തിയത്.
ഡല്‍ഹി കണ്ട ഏറ്റവും വലിയ അഗ്‌നിബാധകളില്‍ ഒന്നാണിത്. അപകടത്തില്‍ ആര്‍ക്കും പരുക്കേറ്റിട്ടില്ല. 13 കെട്ടിടങ്ങള്‍ വ്യോമസേന ഒഴിപ്പിച്ചു. 65 ഫയര്‍ യൂനിറ്റുകള്‍ നിര്‍ത്താതെ പ്രവര്‍ത്തിച്ചു. ചെവ്വാഴ്ച വൈകിട്ടാണ് കെട്ടിടങ്ങള്‍ക്കു തീപിടിച്ചത്.
തൊട്ടടുത്ത് പാര്‍ക്ക് ചെയ്ത റബര്‍ഷീറ്റുകള്‍ നിറച്ച വാഹനത്തില്‍നിന്ന് തീ പടര്‍ന്നതെന്നാണ് പൊലിസ് നിഗമനം.