തലശ്ശേരി: ധര്‍മടത്തെ സി.പി.
എമ്മില്‍ വിഭാഗീയത. ധര്‍മടം സഹകരണ ബാങ്ക് പ്രസിഡന്റും പിണറായി ഏരിയാ കമ്മിറ്റിയംഗവുമായ പി പ്രസാദിനെ പുറത്താക്കാന്‍ ഒരുവിഭാഗം പ്രവര്‍ത്തകര്‍ നോട്ടിസ് പ്രചരണം നടത്തി. അഴിമതി നടത്തിയവരെ പാര്‍ട്ടി വേദിയില്‍ നിന്ന് മാറ്റണമെന്ന ആവശ്യമാണ് നോട്ടിസ് പ്രചരണത്തിലൂടെ പ്രവര്‍ത്തകര്‍ ഉന്നയിക്കുന്നത്. ധര്‍മടം സര്‍വിസ് സഹകരണ ബാങ്കില്‍ കുറേ കാലമായി നടന്നുവരുന്ന സാമ്പത്തിക അഴിമതിയുമായി ബന്ധപ്പെട്ട് ബാങ്ക് പ്രസിഡന്റ് ടി പ്രസാദിനെ തല്‍സ്ഥാനത്ത് നിന്ന് കഴിഞ്ഞ ദിവസം മാറ്റിയിരുന്നു. സി.പി.എം പിണറായി ഏരിയാ കമ്മറ്റി അഗം കൂടിയായ പ്രസാദിനെ പാര്‍ട്ടിയുടെ എല്ലാ ഉത്തരവാദപ്പെട്ട സ്ഥാനങ്ങളില്‍ നിന്നും മാറ്റിനി
ര്‍ത്തണമെന്നാവശ്യപ്പെട്ട് പാര്‍ട്ടി പ്രവര്‍ത്തകര്‍ നേതൃത്വത്തെ സമീപിച്ചു. ഇതിനിടെ ഇത്തരമൊരാവശ്യം ഉന്നയിച്ച് ധര്‍മടം മേഖലയില്‍ വ്യാപകമായ നോട്ടിസും പ്രചരിക്കുകയാണ്.