തലശ്ശേരി: ബിവറേജ് ഔട്ട്‌ലെറ്റ് മാറ്റുന്നതിനെച്ചൊല്ലി ഏറെ പ്രക്ഷോഭം നടന്ന തലശ്ശേരി നഗരസത്തിലെ ബിവേറജ് ഔട്ട്‌ലെറ്റ് ഒടുവില്‍ കണ്ടിക്കലിലേക്ക് മാറ്റി സ്ഥാപിച്ചു.  നാട്ടുകാരുടെ പ്രതിഷേധം തുടരുന്നതിനിടെ ഇന്നലെ മുതല്‍ എരഞ്ഞോളിപ്പാലത്തിനടുത്ത് കണ്ടിക്കല്‍ ശ്മശാനത്തിന് സമീപത്തെ കെട്ടിടത്തിലാണ് ബിവറേജ് ഔട്ട്‌ലെറ്റ് പ്രവര്‍ത്തിച്ചു തുടങ്ങിയത്. തലശ്ശേരി റെയില്‍വേ സ്റ്റേഷന് സ
മീപത്തെ ടി.സി മുക്കിലായിരുന്നു വര്‍ഷങ്ങളായി ബിവറേജ് ഔട്ട്‌ലെറ്റ് പ്രവര്‍ത്തിച്ച് വന്നിരുന്നത്. സുപ്രീം കോടതി ഉത്തരവു പ്രകാരം ദേശീയപാതയില്‍ നിന്നുള്ള ദൂരപരിധി പാലിക്കാന്‍ ഔട്ട്‌ലെറ്റ് ഗുഡ്‌സ്‌ഷെഡ് റോഡിലേക്ക് മാറ്റാനുള്ള ശ്രമത്തിനെതിരെ ദിവസങ്ങളോളം പ്രതിഷേധ സമരങ്ങള്‍ നടന്നിരുന്നു. മുസ്‌ലിം ലീഗായിരുന്നു ആദ്യമായി ഇതിനെതിരെ സമരപരിപാടിയുമായി രംഗത്തിറങ്ങിയത.് തുടര്‍ന്ന് വിവിധ രാഷട്രീയ സംഘടനകളും സമീപവാസികളായ സ്ത്രീകളുള്‍പ്പെടെയുള്ളവരും സമര രംഗത്തിറങ്ങി. ഒരു ദിവസം ഇവിടെ ഔട്ട്‌ലെറ്റ് പ്രവര്‍ത്തിച്ചെങ്കിലും പിന്നീട് ശക്തമായ പ്രതിഷേധത്തെ തുടര്‍ന്ന് ഔട്ട്‌ലെറ്റ് ടി.സി മുക്കിലെ പഴയ കെട്ടിടത്തില്‍ തന്നെ പ്രവര്‍ത്തിക്കുകയായിരുന്നു.