ബെര്‍ലിന്‍: ബയേണ്‍ മ്യൂണിക്ക് സൂപ്പര്‍ താരം റോബര്‍ട്ട് ലെവന്‍ഡോസ്‌കി ക്ലബ് വിടാന്‍ ഒരുങ്ങുന്നതായി റിപ്പോര്‍ട്ടുകള്‍. താരത്തിന്റെ ഏജന്റാണ് വെളിപ്പെടുത്തല്‍ നടത്തിയത്. നാല് വര്‍ഷമായി ബയേണ്‍ കുപ്പായത്തില്‍ കളിക്കുന്ന ലെവന്‍ഡോസ്‌കി പുതിയ വെല്ലുവിളികളും പുതിയ അന്തരീക്ഷവും ആഗ്രഹിക്കുന്നതായും അതാണ് ഇപ്പോള്‍ തീരുമാനമെടുത്തതെന്നും ഏജന്റ് പറഞ്ഞു. റയല്‍ മാഡ്രിഡ്, ചെല്‍സി, പാരിസ് സെന്റ് ജെര്‍മെയ്ന്‍ ടീമുകളിലൊന്നാണ് താരത്തിന്റെ ലക്ഷ്യം. 2013-14 സീസണില്‍ ജര്‍മന്‍ വമ്പന്‍മാര്‍ തന്നെയായ ബൊറൂസിയ ഡോര്‍ട്മുണ്ടില്‍ നിന്നാണ് ലെവന്‍ഡോസ്‌കി ബാവേറിയന്‍ ക്ലബിലേക്ക് ചേക്കേറിയത്.