കാക്കനാട്: കൊച്ചി മെട്രോയില്‍ ജോലി പ്രതീക്ഷിച്ച് മൂന്ന് മാസത്തെ നൈപുണ്യ പരിശീലനത്തിന് ചേര്‍ന്ന് ഉണ്ടായിരുന്ന തൊഴിലും നഷ്ടപ്പെട്ട കുടുംബശ്രീ വനിതകള്‍ സിവല്‍ സ്റ്റേഷനുമുന്നില്‍ പ്രതിഷേധിച്ചു.
കൂടുംബശ്രീ ജില്ല മിഷന്റെ നടപടിയില്‍ പ്രതിഷേധിച്ച് സിവില്‍ സ്റ്റേഷനിലേക്ക് തള്ളിക്കയറിയ വനിതകളെ എസ്.ഐ എ.എന്‍ ഷാജുവിന്റെ നേതൃത്വത്തിലുള്ള പൊലിസ് സംഘം തടഞ്ഞു.
ഇന്നലെ രാവിലെയാണ് അമ്പതോളം വനിതകള്‍ സിവില്‍ സ്റ്റേഷനിലേക്ക് പ്രതിഷേധവുമായി എത്തിയത്.
പൊലിസ് തടഞ്ഞതിനെ തുടര്‍ന്ന് സവില്‍ സ്റ്റേഷന്‍ കാവാടത്തില്‍ കുത്തിയിരുന്നു പ്രതിഷേധിച്ചു. നൈപുണ്യ പദ്ധതിയില്‍ ചേര്‍ന്നു പരിശീലനം നേടുന്നവര്‍ക്ക് വേണ്ടി മത്സപരീകഷയുടെയും അഭിമുഖവും നടത്തി നിയമനം നല്‍കുമെന്ന് പറഞ്ഞു കുടുംബശ്രീ മിഷന്‍ അധികൃതര്‍ കബളിപ്പിച്ചെന്നാണ് പ്രതിഷേധക്കാരുടെ ആരോപണം.