കക്കാട്: റമദാനിലെ വിശുദ്ധദിനങ്ങള്‍ നന്മയുടെ പാന്ഥാവിലേക്കും നന്മകള്‍കൊണ്ടു സജീവമാക്കുകയും ചെയ്യണമെന്ന് സമസ്ത ജില്ലാ സെക്രട്ടറി മാണിയൂര്‍ അബ്ദുറഹ്മാന്‍ ഫൈസി. വര്‍ധിച്ചുവരുന്ന തിന്മകളെ ചെറുക്കാന്‍ മദ്‌റസാധ്യാപകര്‍ മുന്നിട്ടിറങ്ങണമെന്നും അദ്ദേഹം പറഞ്ഞു.
ജംഇയ്യത്തുല്‍ മുഅല്ലിമീന്‍ ജില്ലാ തസ്‌കിയത്ത് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. ലത്തീഫ് ഫൈസി പറമ്പായി അധ്യക്ഷനായി. എ.കെ അബ്ദുല്‍ ബാഖി മുഖ്യപ്രഭാഷണം നടത്തി. മദ്‌റസാധ്യാപകര്‍ക്കുള്ള സമ്മാന വിതരണം എസ്.കെ ഹംസ ഹാജി നിര്‍വഹിച്ചു. അബ്ദുസമദ് മുട്ടം തസ്‌കിയത്തിന് നേതൃത്വം നല്‍കി. സലാം ഇരിക്കൂര്‍, സജീര്‍ കാടാച്ചിറ, ജംഷീദ് ദാരിമി, മജീദ് ദാരിമി, അബ്ദുറഹ്മാന്‍ മിസ്ബാഹി, സകരിയ്യ ദാരിമി, എം.സി അബൂക്കര്‍ ഹൈതമി സംസാരിച്ചു.