പേരാമ്പ്ര: കടിയങ്ങാട് എല്‍.പി സ്‌കൂള്‍ വികസന സെമിനാറും പൂര്‍വ വിദ്യാര്‍ഥി സംഗമവും സംഘടിപ്പിച്ചു.
അഡ്വ. പി. ശങ്കരന്‍ പൂര്‍വവിദ്യാര്‍ഥി സംഗമവും വികസന സെമിനാര്‍ ജില്ലാ പഞ്ചായത്ത് മെമ്പര്‍ എ.കെ ബാലനും ഉദ്ഘാടനം ചെയ്തു. മൂസ കോത്തമ്പ്ര അധ്യക്ഷനായി. സാഹിത്യകാരന്‍ യു.കെ കുമാരന്‍ മുഖ്യപ്രഭാഷണം നടത്തി.
കാരുണ്യ രംഗത്തു പ്രവര്‍ത്തിക്കുന്ന സി.എച്ച് ഇബ്രാഹിം കുട്ടിക്ക് ജില്ലാ പഞ്ചായത്ത് സ്ഥിരംസമിതി അധ്യക്ഷ സുജാത മനക്കല്‍ ഉപഹാരം നല്‍കി. പ്രധാനാധ്യാപിക വി.പി സുമ റിപ്പോര്‍ട്ട് അവതരിപ്പിച്ചു. ബ്ലോക്ക് മെമ്പര്‍ സൗഫി താഴെക്കണ്ടി, ഉണ്ണി വേങ്ങേരി, പാളയാട്ട് ബഷീര്‍, കെ. ശ്രീധരന്‍, അഹമദ് കുത്താളി' കെ.എം സാബു, സി.പി രാജന്‍, നാഗത്ത് രാജീവന്‍, എ. അബ്ദുറഷീദ്, ഷിജു പുല്യോട്ട് സംസാരിച്ചു.