ഷൊര്‍ണൂര്‍: ബാഗില്‍ ഒന്നര കിലോ കഞ്ചാവുമായി ഇരിഞ്ഞാലക്കുട സ്വദേശിയായ യുവാവിനെ ഷൊര്‍ണൂര്‍ റെയില്‍വേസ്‌റ്റേഷനില്‍ പൊലിസ് പിടികൂടി.
ഇന്നലെ രാവിലെ പത്തരയോടെയാണ് ഇരിഞാലക്കുട എടത്തിരിഞ്ഞി സ്വദേശി കോരയത്ത് വീട്ടില്‍ കോളിന്‍ ജോണ്‍സണ്‍ (21) നെ റെയില്‍വെ പൊലിസ് സംഘം പരിശോധനക്കിടെ പിടികൂടിയത്.വിദ്യാര്‍ഥികള്‍ക്കും മറ്റും കഞ്ചാവ് എത്തിക്കുന്ന സംഘത്തിലെ അംഗമാണ് പിടിയിലായ കോളിന്‍ ജോണ്‍സനെന്ന് പൊലിസ് പറഞ്ഞു.
ബാഗില്‍ പ്രത്യേകം കവറിലാക്കി കൊണ്ടുപോവുകയായിരുന്നു. പൊലിസിനെ കണ്ട് പരിഭ്രമിച്ച യുവാവിനെ വളഞ്ഞിട്ട് പിടികൂടുകയായിരുന്നു. റെയില്‍വേ പൊലിസ് എസ്.ഐ.കീര്‍ത്തി ബാബു, എ.എസ്.ഐ.സക്കീര്‍ അഹമ്മദ്, സീനിയര്‍ സി.പി.ഒമാരായ കൃഷ്ണകുമാര്‍, നന്ദകുമാര്‍, ജോസഫ്, വിജയാനന്ദ് എന്നിവര്‍ ചേര്‍ന്നാണ് പിടികൂടിയത് ഒറ്റപ്പാലം കോടതി പ്രതിയെ റിമാന്‍ഡ് ചെയ്തു.