വി.എസ് അച്യുതാനന്ദന്‍ എം.എല്‍.എ ഉദ്ഘാടനം ചെയ്യും
പാലക്കാട്: മലമ്പുഴ ഡാം ഗാര്‍ഡന്‍, റോക്ക് ഗാര്‍ഡന്‍ എന്നിവയുടെ നവീകരണത്തിനുള്ള ഗ്രീന്‍ കാര്‍പ്പറ്റ് പദ്ധതിയുടെ നിര്‍മാണോദ്ഘാടനവും ടൂറിസം ഇന്‍ഫര്‍മേഷന്‍ കിയോസ്‌കിന്റെ ഉദ്ഘാടനവും ഇന്ന് വൈകിട്ട് നാലിന് എം.എല്‍.എ.യും ഭരണപരിഷ്‌ക്കരണ കമ്മീഷന്‍ ചെയര്‍മാനുമായ വി.എസ്.അച്യുതാനന്ദന്‍ ഉദ്ഘാടനം ചെയ്യും.
ടൂറിസം കേന്ദ്രങ്ങളെ നവീകരിക്കുന്നതിന്റെ ഭാഗമായി സംസ്ഥാന ടൂറിസം വകുപ്പ് നടപ്പാക്കുന്ന ഗ്രീന്‍ കാര്‍പ്പെറ്റ് പദ്ധതി പ്രകാരം രണ്ട് കോടിയുടെ നവീകരണ പ്രവര്‍ത്തനങ്ങളാണ് നടത്തുന്നത്. റോക്ക് ഗാര്‍ഡന്‍ പരിസരത്തു നടക്കുന്ന പരിപാടിയില്‍ മലമ്പുഴ ഗ്രാമപഞ്ചായത്ത് പ്രസിഡന്റ് ഇന്ദിര രാമചന്ദ്രന്‍ അധ്യക്ഷയാവും.
മലമ്പുഴ ബ്ലോക്ക് പഞ്ചായത്ത് പ്രസിഡന്റ് കെ.പി. ഷൈജ, അകത്തേത്തറ ഗ്രാമ പഞ്ചായത്ത് പ്രസിഡന്റ് സി.സദാശിവന്‍, ജില്ലാ പഞ്ചായത്ത് അംഗം കെ. രാജന്‍, മലമ്പുഴ ബ്ലോക്ക് പഞ്ചായത്ത് വൈസ് പ്രസിഡന്റ് കാഞ്ചന സുദേവന്‍, മലമ്പുഴ ഗ്രാമ പഞ്ചായത്ത് വികസന കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഇ.വി. കോമളം, ജില്ലാ കലക്ടര്‍ ഡോ.പി. സുരേഷ്ബാബു,ഡി.ടി.പി.സി. നിര്‍വാഹക സമിതി അംഗം പി.എ. ഗോകുല്‍ദാസ്, മലമ്പുഴ ഇറിഗേഷന്‍ ഡിവിഷന്‍ എക്‌സിക്യൂട്ടീവ് എഞ്ചിനിയര്‍ എസ്.എസ്. പത്മകുമാര്‍, വിനോദസഞ്ചാര വകുപ്പ് ഡെപ്യൂട്ടി ഡയറക്ടര്‍ എ.ആര്‍.സന്തോഷ്‌ലാല്‍, ഡി.ടി.പി.സി സെക്രട്ടറി കെ.ജി.അജേഷ്, രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുക്കും.