കോഴിക്കോട്: മീഞ്ചന്ത ഗവ.വൊക്കേഷനല്‍ ഹയര്‍സെക്കന്‍ഡറി സ്‌കൂള്‍ ശതാബ്ദി ആഘോഷങ്ങള്‍ക്ക് 31ന് തുടക്കമാവുമെന്ന് സ്‌കൂള്‍ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. സര്‍ക്കാര്‍ അനുവദിച്ച അഞ്ചു കോടി രൂപയും എം.ല്‍.എ ഫണ്ടില്‍ നിന്നും ലഭിച്ച മൂന്നു കോടിയും ഉപയോഗപ്പെടുത്തി സ്‌കൂളിന്റെ ഭൗതിക ചുറ്റുപാടുകളിലും നിലവാരത്തിലും ഏറെ മുന്നിലെത്താന്‍ സ്ഥാപനത്തിനായിട്ടുണ്ട്. ഫൈസല്‍ ആന്റ് ഷബാന ഫൗണ്ടേഷന്റെ സഹായത്തോടെ മികവിന്റെ കേന്ദ്രമാക്കാനുള്ള ശ്രമങ്ങള്‍ നടന്നു വരികയാണ്. വെള്ളിയാഴ്ച നടക്കുന്ന പരിപാടി എം.കെ മുനീര്‍ എം.എല്‍.എ ഉദ്ഘാടനം ചെയ്യും.  വാര്‍ത്താ സമ്മേളനത്തില്‍ പ്രധാനധ്യാപകന്‍ ജീത വി ജി,പി.എം സുരേഷ്ബാബു, യുബീഷ്‌കുമാര്‍, എന്‍. പി മോഹനന്‍, ധനന്‍ലാല്‍, ജയിംസ്‌ജോര്‍ജ് പങ്കെടുത്തു.