തിരുവനന്തപുരം: കേരള സര്‍വകലാശാലാ യുവജനോത്സവം മൂന്നാം ദിനത്തിലേക്ക് കടക്കുമ്പോള്‍ പോയിന്റ് നേട്ടത്തില്‍ തലസ്ഥാനത്തെ കലാലയങ്ങള്‍ മുന്നില്‍. തിരുവനന്തപുരം എന്‍ജിനീയറിങ് കോളേജാണ് ഒന്നാം സ്ഥാനത്ത്. പതിനേഴ് പോയിന്റാണ് ഇവര്‍ക്കുള്ളത്.
16 പോയിന്റോടെ മാര്‍ ഇവാനിയോസ് കോളജ് രണ്ടാംസ്ഥാനത്തും, 13 പോയിന്റോടെ സ്വാതിതിരുനാള്‍ സംഗീത കോളജ് മൂന്നാം സ്ഥാനത്തുമുണ്ട്. 11പോയിന്റ് നേടിയ കാര്യവട്ടം കാമ്പസാണ് നാലാമത്. ചേര്‍ത്തല എസ്.എന്‍ കോളജ്, ആലപ്പുഴ സെന്റ് ജോസഫ് വിമന്‍സ് കോളജ്, തിരുവനന്തപുരം എം.ജി കോളജ്, വാഴിച്ചല്‍ ഇമ്മാനുവല്‍ കോളജ്, വഴുതക്കാട് വിമന്‍സ് കോളജ് എന്നിവയ്ക്ക് അഞ്ച് പോയിന്റുകള്‍ വീതമുണ്ട്.