കോട്ടയം: വ്യവസായങ്ങള്‍ക്കുള്ളതിനു സമാനമായി കാര്‍ഷിക വിളകള്‍ക്കായി ആഗ്രോ ഇന്‍ഡസ്ട്രീസ് പ്രൊഡക്ടിവിറ്റി കൗണ്‍സില്‍ ആരംഭിക്കണമെന്നാവശ്യപ്പെട്ട് പ്രധാനമന്ത്രി നരേന്ദ്രമോദിക്കു നിവേദനം നല്‍കിയതായി കേരള കോണ്‍ഗ്രസ് ചെയര്‍മാന്‍ പി.സി തോമസ് അറിയിച്ചു. കര്‍ഷകനെ എങ്ങിനെ സംരംഭകനാക്കാം എന്നതു സംബന്ധിച്ചു തയ്യാറാക്കിയ പ്രപ്പോസല്‍ പ്രധാനമന്ത്രിക്കു സമര്‍പ്പിക്കാനായി എത്തിയപ്പോഴാണ് ഇതു സംബന്ധിച്ചുള്ള നിവേദനം കൈമാറിയത്. സാധിക്കുമെങ്കില്‍ പ്രധാനമന്ത്രി തന്നെ കൗണ്‍സിലിന്റെ അധ്യക്ഷനാകണമെന്നും അഭ്യര്‍ഥിച്ചിട്ടുണ്ട്.   പാര്‍ട്ടി സംസ്ഥാന സെക്രട്ടറിമാരായ സ്റ്റീഫന്‍ ചാഴികാടന്‍, മുന്‍ പിഎസ് സി അംഗംപ്രഫ.ഗ്രേസമ്മ മാത്യു, കര്‍ഷക യൂനിയന്‍ സംസ്ഥാന പ്രസിഡന്റ് ജോയിച്ചന്‍ പീലിയാനിക്കല്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.