ആലപ്പുഴ: നഗരസഭാ സാക്ഷരതാ മിഷന്‍ വികസനവിദ്യാ കേന്ദ്രത്തിന്റെ ആഭിമുഖ്യത്തില്‍ ഗവണ്‍മെന്റ് മുഹമ്മദന്‍സ് ഗേള്‍സ് ഹൈസ്‌കൂളില്‍ നടന്ന ജലദിന വാരാചരണത്തിന്റെ സമാപന സമ്മേളനം ഡോ. കെ.എസ് വിഷ്ണുനമ്പൂതിരി ഉദ്ഘാടനം ചെയ്തു. വാര്‍ഡ് കൗണ്‍സിലര്‍ എ.എം നൗഫല്‍ അധ്യക്ഷത വഹിച്ചു. ജില്ലാ സാക്ഷരതാ മിഷന്‍ എക്‌സിക്യൂട്ടീവ് കമ്മിറ്റി അംഗം പി. ജ്യോതിസ്, മുനിസിപ്പല്‍ കൗണ്‍സിലര്‍ നബീസ അക്ബര്‍, മുനിസിപ്പല്‍ കോഓര്‍ഡിനേറ്റര്‍ എം. ഉഷ, പ്രേരക്  പ്രമീളാദേവി, മുഹമ്മദ് അസ്‌ലം, കെ. നൗഷാദ്  പ്രസംഗിച്ചു.