തിരുവനന്തപുരം: എസ്.എസ്.എല്‍.സി ചോദ്യപേപ്പര്‍ ചോര്‍ച്ചയില്‍ ജുഡീഷ്യല്‍ അന്വേഷണം ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല നടത്തുന്ന ഉപവാസ സമരം തുടങ്ങി. സെക്രട്ടറിയേറ്റിന് മുന്നില്‍ രാവിലെ 10 മണിയോടെയാണ് ഉപവാസ സമരം ആരംഭിച്ചത്. സമരം കെ.പി.സി.സി താല്‍കാലിക അധ്യക്ഷന്‍ എം.എം ഹസ്സന്‍ ഉദ്ഘാടനം ചെയ്തു.

സംസ്ഥാനത്ത് നടക്കുന്നത് ചോദ്യപേപ്പര്‍ കുംഭകോണമാണെന്ന് രമേശ് ചെന്നിത്തല ആരോപിച്ചു. ഉത്തരവാദിത്വം ഏറ്റെടുത്ത് വിദ്യാഭ്യാസമന്ത്രി സി. രവീന്ദ്രനാഥ് രാജിവയ്ക്കണം. കഴിവില്ലാത്ത മന്ത്രിമാര്‍ നാടിനു ശാപമാണെന്നും അദ്ദേഹം പറഞ്ഞു. ഉപവാസ സമരം ഉച്ചയ്ക്ക് 1 മണിയോടെ അവസാനിക്കും.