നോം പെന്‍:  കമ്പോഡിയയില്‍ മുലപ്പാല്‍ കയറ്റു മതി നിരോധിച്ചു. അമ്മമാര്‍ സ്വന്തം കുഞ്ഞുങ്ങളെ മുലയൂട്ടട്ടെ എന്ന് നിരോധനമേര്‍പെടുത്തി പുറപ്പെടുവിച്ച സര്‍ക്കുലറില്‍ പറയുന്നു.
ആമ്പ്രോസിയ ലാബ്‌സ് എന്ന കമ്പനിയാണ് പാല്‍ കയറ്റുമതി നടത്തിയിരുന്നത്. കഴിഞ്ഞ രണ്ടു വര്‍ഷമായി രാജ്യത്ത് ഇതു വ്യാപകമായിരുന്നു. കുഞ്ഞുങ്ങളുടെ ആവശ്യത്തിലും അധികമായി വരുന്ന പാലാണ് തങ്ങള്‍ വില കൊടുത്ത് ശേഖരിച്ചിരുന്നതെന്നാണ് കമ്പനിയുടെ വാദം. രോഗം മൂലവും മറ്റും മുലയൂട്ടാനാവാത്തവര്‍ക്ക് ഈ സംവിധാനം ഏറെ ഉപകാരപ്രദമായിരുന്നുവെന്നും കമ്പനി വാദിക്കുന്നു.

രക്തബാങ്കുകളെന്ന പോലെ പല രാജ്യങ്ങളിലും ഇപ്പോള്‍ മില്‍ക്ക് ബാങ്കുകളും ഉള്ളതായാണ് റിപ്പോര്‍ട്ട്.