ജിദ്ദ: പൊതുമാപ്പ് ഓണ്‍ലൈന്‍ അപ്പോയിന്മെന്റ് സൗകര്യം പ്രാബല്യത്തിലായി. ആഭ്യന്തര മന്ത്രാലയത്തിന്റെ വെബ്‌സൈറ്റിലാണ് സേവനം ഒരുക്കിയത്.

www.moi.gov.sa എന്ന സൈറ്റില്‍ ക്ലിക്ക് ചെയ്യുക. ഇതില്‍ പാസ്‌പോര്‍ട്ട് എന്ന സെക്ഷനിലേക്ക് പോകുക. അപ്പോയിന്റ്‌മെന്റ് എടുത്ത ശേഷം അവിടെ ഇഖാമ നമ്പര്‍, ജനന തിയ്യതി, മുകളിലെ കോളത്തിലുള്ള കോഡ് നമ്പര്‍ എന്നിവ ചേര്‍ക്കുക. തുടര്‍ന്ന് ചെക്ക് മൈ സ്റ്റാറ്റസ് എന്ന ഓപ്ഷനില്‍ ക്ലിക്ക് ചെയ്യുമ്പോള്‍ മറ്റൊരു പേജിലേക്ക് പോകും. ആ പേജില്‍നിന്ന് എവിടെയാണ് പോകേണ്ടത്, അപ്പോയിന്റ്‌മെന്റ് എപ്പോള്‍ തുടങ്ങിയ വിവരങ്ങള്‍ ലഭ്യമാകും. എമര്‍ജന്‍സി സര്ട്ടിഫിക്കറ്റ് നേടിയവര്‍ ഫൈനല്‍ എക്‌സിറ്റിന് പാസ്‌പോര്ട്ട് വിഭാഗത്തെയാണ് സമീപിക്കേണ്ടത്.

സൗദിയിലെ 11 പ്രവിശ്യകളിലെയും പാസ്‌പോര്‍ട്ട് വിഭാഗത്തില്‍ ഈ സേവനം ലഭ്യമാണ്. ഓരോ പ്രവിശ്യകളിലെയും പാസ്‌പോര്‍ട്ട് വിഭാഗത്തിന്‍ കീഴില്‍ ഒന്നിലധികം കേന്ദ്രങ്ങള്‍ പ്രവര്‍ത്തിക്കുന്നുണ്ട്. റിയാദ് പ്രവിശ്യക്ക് കീഴില്‍10 നഗരങ്ങളിലാണ് സേവനം ലഭ്യമാവുക. പതിവില്‍ നിന്ന് വ്യത്യസ്തമായി ഇത്തവണ തിരക്ക് നിയന്ത്രിക്കുന്നതിന് വിവിധ നടപടികളാണ് അധികൃതര്‍ സ്വീകരിച്ചത്. റിയാദിലെ പ്രധാന കേന്ദ്രമായ മലസിലെ പാസ്‌പോര്‍ട്ട വിഭാഗത്തില്‍ ആദ്യ ദിവസമായ നാളെ രാവിലെ മുതല്‍ ഉച്ചക്ക് രണ്ട് വരെയുള്ള ടോക്കണുകള്‍ ഇതിനകം വിതരണം ചെയ്തുകഴിഞ്ഞു.