റിയാദ്: സഊദിയിലെ ജിസാനിൽ മണ്ണാർക്കാട് സ്വദേശി നിര്യാതനായി. പാലക്കാട് മണ്ണാർക്കാട് സ്വദേശി ചാത്തർ കുന്നിൽ ചന്ദ്രൻ എന്ന ബാബു (46) ആണ് ജിസാനിൽ ഹൃദയാഘാതം മൂലം മരിച്ചത്. ശനിയാഴ്ച വൈകീട്ട് ഏഴോടെ ദേഹാസ്വാസ്ഥ്യത്തെ തുടർന്ന് സഹപ്രവർത്തകർ ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്.
       ബെയിഷ് അസാമയിൽ വർക്ക് ഷോപ്പ്  ജീവനക്കാരനായിരുന്നു. മൃതദേഹം ബേയ്ഷ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. കെഎംസിസി നേതാവ് ഹാരിസ് കല്ലായിയുടെ നേതൃത്വത്തിൽ  മരണാനന്തര നടപടിക്രമങ്ങൾ പുരോഗമിക്കുന്നു.