വാഷിങ്ടണ്‍: അമേരിക്കയില്‍ ഇന്തോ അമേരിക്കന്‍ യുവാവ് വാഹനാപകടത്തില്‍ മരിച്ചു. ഭാര്യക്ക് ഗുരുതര പരുക്കേറ്റു. അന്‍ഷുല്‍ ശര്‍മ (30) ആണ് മരിച്ചത്. ഇയാളുടെ ഭാര്യ സാമിറ ഭരദ്വാജ് (28) നെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചു. ഇന്‍ഡ്യാന സംസ്ഥാനത്തെ കൊളംബസിലാണ് അപകടം. ഇരുവരും നടന്നുപോകവെ പിന്നില്‍ നിന്ന് മിനിവാന്‍ ഇടിക്കുകയായിരുന്നു.
വാഹനം ഓടിച്ച മിക്കായേല്‍ ഡെമായിയോ (36) നെ പൊലിസ് അറസ്റ്റ് ചെയ്തു. ശര്‍മയുടെ മൃതദേഹം ഇന്ത്യയിലേക്ക് കൊണ്ടുവരുമെന്ന് ബന്ധുക്കള്‍ അറിയിച്ചു. ശര്‍മ ഡീസല്‍ എന്‍ജിന്‍ നിര്‍മാണ സ്ഥാപനത്തിലെ എന്‍ജിനീയറാണ്. മൃതദേഹം നാട്ടിലെത്തിക്കാനുള്ള സഹായം കമ്പനി വാഗ്ദാനം ചെയ്തിട്ടുണ്ട്.