കൊല്ലം: അഞ്ചാലുമ്മൂട്ടില്‍ ഡി.വൈ.എഫ്.ഐ-ആര്‍.എസ്.എസ് സംഘര്‍ഷത്തില്‍ മൂന്നുപേര്‍ക്ക് പരുക്ക്. ഡി.വൈ.എഫ്.ഐ പ്രവര്‍ത്തകനായ വിഷ്ണുരാജ്, ആര്‍.എസ്.എസ് പ്രവര്‍ത്തകരായ അനന്തകൃഷ്ണന്‍, അനി എന്നിവര്‍ക്കാണ് പരുക്കേറ്റത്. ഇന്നലെ രാത്രിയിലായിരുന്നു സംഭവം.

നീരാവില്‍ സ്‌കൂളിലെ പ്രവേശനോല്‍സവവുമായി ബന്ധപ്പെട്ട് തോരണം കെട്ടുന്നതിലെ തര്‍ക്കമാണ് സംഘട്ടനത്തിന് കാരണം. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. സംഘര്‍ഷാവസ്ഥ കണക്കിലെടുത്ത് സ്ഥലത്ത് പൊലിസ് ക്യാമ്പ് ചെയ്യുന്നു.