ചെറുവത്തൂര്‍: സ്വകാര്യ ബസുകളുടെ മരണപ്പാച്ചിലില്‍ ഭീതിയോടെ ജനം. കാലിക്കടവ്-തൃക്കരിപ്പൂര്‍ റോഡിലൂടെയാണ് സ്വകാര്യ ബസുകള്‍ ജനങ്ങളുടെ ജീവനു ഭീഷണിയുയര്‍ത്തി ചീറിപ്പായുന്നത്.
മിനുട്ടുകളുടെ ഇടവേളയിലാണ് ഈ റോഡിലൂടെ സ്വകാര്യബസുകളുടെ സമയക്രമം.
അതില്‍ എന്തെങ്കിലും മാറ്റം വന്നാല്‍ ഒന്നിനു പിറകെ ഒന്നായി എത്തുന്ന ബസുകള്‍ അടുത്ത സ്റ്റോപ്പിലെ ആളെ കയറ്റാന്‍ കുതിച്ചു പായുന്നതാണ് രീതി.
വേഗമാനകം ഇല്ലാതെയാണോ ബസുകള്‍ ഓടുന്നത് എന്ന സംശയവും ഉയരുന്നുണ്ട്. ബസുകളുടെ മരണപ്പാച്ചില്‍ നിയന്ത്രിക്കാന്‍ അടിയന്തിര നടപടികള്‍ സ്വീകരിച്ചില്ലെങ്കില്‍ അപകടങ്ങള്‍ക്കിടയാകുമെന്ന എന്ന ആശങ്കയിലാണ് ജനം.