മലപ്പുറം: വിദ്യാഭ്യാസ വകുപ്പിന്റെ പിടിപ്പുകേടും കുറ്റകരമായ അനാസ്ഥയും പരീക്ഷയെ അവതാളത്തിലാക്കിയതായി കെ.എസ്.ടി.യു ആരോപിച്ചു. ഇന്നു നടത്താന്‍ തീരുമാനിച്ച കണക്ക് പുന:പരീക്ഷ കാരണം മറ്റ് ക്ലാസുകളിലെ പരീക്ഷകള്‍ക്കൂടി അവതാളത്തിലായിരിക്കുകയാണ്. ദൂരസ്ഥലങ്ങളില്‍ എസ്.എസ്.എല്‍.സി പരീക്ഷാ ജോലിക്ക് നിയമിക്കപ്പെട്ട അധ്യാപകര്‍ക്ക് സ്വന്തം വിദ്യാലയങ്ങളില്‍ പരീക്ഷ നടത്താന്‍ ഇതുമൂലം പ്രയാസമാവും. ഇതൊന്നും വകവയ്ക്കാതെ പരീക്ഷ നടത്തി തീര്‍ക്കാനാണ് വിദ്യാഭ്യാസ വകുപ്പിന്റെ നിര്‍ദേശം. അക്കാദമിക രംഗം വികലവും വിവാദവുമാക്കിയ വിദ്യാഭ്യാസ വകുപ്പിന്റെ നടപടി തികച്ചും പ്രതിഷേധാര്‍ഹമാണെന്ന് സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ പറഞ്ഞു.