ഇരിട്ടി: ഓടിക്കൊണ്ടിരുന്ന കെ.എസ്.ആര്‍.ടി.സി ബസിന്റെ ടയര്‍ പൊട്ടിത്തെറിച്ചു. ഇന്നലെ ഉച്ചയ്ക്ക് ശേഷം മൂന്നോടെ ഇരിട്ടി-തളിപ്പറമ്പ് റോഡില്‍ തന്തോട് ക്രിസ്ത്യന്‍ പള്ളിക്ക് സമീപമായിരുന്നു അപകടം. ഉളിക്കലില്‍നിന്നു കണ്ണൂരിലേക്ക് പോവുകയായിരുന്ന ലോഫ്‌ളോര്‍ ബസിന്റെ മുന്‍വശത്തെ ടയറാണ് ഓടിക്കൊണ്ടിരിക്കേ പൊട്ടിത്തെറിച്ചത്. ബസിന് വേഗത കുറവായതിനാലും മുന്നില്‍ മറ്റു വാഹനങ്ങളില്ലാതിരുന്നതിനാലും വന്‍ അപകടം ഒഴിവായി. അപകടത്തെതുടര്‍ന്ന് അരമണിക്കൂറോളം ഇതുവഴിയുള്ള ഗതാഗതം തടസപ്പെട്ടു.