കണ്ണൂര്‍: രാജ്യത്തു വിശ്വാസികള്‍ നേരിടുന്ന പരീക്ഷണങ്ങള്‍ അതിജയിക്കാന്‍ പ്രവാചകപാത പിന്തുടരണമെന്നും ഭരണാധികാരികള്‍ സമൂഹത്തോടു നീതി പുലര്‍ത്തണമെന്നും സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍. എസ്.വൈ.എസ് ജില്ലാകമ്മിറ്റി നടത്തുന്ന മുസ്തഫ ഹുദവി ആക്കോടിന്റെ റമദാന്‍ പ്രഭാഷണത്തിന്റെ രണ്ടാംദിനം ഉദ്ഘാടനം ചെയ്യുകയായിരുന്നു അദ്ദേഹം. ഇസ്‌ലാമിന്റെ സത്യസാക്ഷികളായി നാം ഓരോരുത്തരും മാറണമെന്നും പ്രവാചകന്റെ കാലത്തു ജീവിച്ചിരുന്നവര്‍ സത്യസാക്ഷികാളായിരുന്നുവെന്നും അദ്ദേഹം വ്യക്തമാക്കി. ഉമര്‍ നദ്‌വി തോട്ടീക്കല്‍ അധ്യക്ഷനായി. മാണിയൂര്‍ അബ്ദുറഹ്മാന്‍ ഫൈസി, മലയമ്മ അബൂബക്കര്‍ ബാഖവി, പാലത്തായി മൊയ്തുഹാജി, എ.കെ അബ്ദുല്‍ബാഖി, അബ്ദുസമദ്മുട്ടം, ഷുക്കൂര്‍ ഫൈസി, മുഹമ്മദ്ബ്‌നു ആദം, അബ്ദുല്‍ഖാദര്‍ അല്‍ഖാസിമി, സിദ്ദീഖ് ഫൈസി വെണ്‍മണല്‍, സലാം ഇരിക്കൂര്‍, സുബൈര്‍ ബാഖവി, സത്താര്‍ വളക്കൈ, ആര്‍. അബ്ദുല്ല ഹാജി, റസാഖ് ഹാജി പാനൂര്‍, എ.പി ഇസ്മാഈല്‍, ഉസ്മാന്‍ ഹാജി വേങ്ങാട്, ഇബ്രാഹിം എടവച്ചാല്‍, ഹനീഫ് ഏഴാംമൈല്‍, സലീം എടക്കാട്, ഷൗക്കത്തലി മട്ടന്നൂര്‍, അഷ്‌റഫ് ഫൈസി പഴശ്ശി, കെ. അബ്ദുല്ലക്കുട്ടി ഹാജി പങ്കെടുത്തു.