ചെറുവത്തൂര്‍: കൈതക്കാട് മഹല്ല് ജമാഅത്ത് കമ്മിറ്റിയുടെ നേതൃത്വത്തില്‍ ഹാഫിളീങ്ങള്‍ക്കു മാത്രമായി ആരംഭിക്കുന്ന മത ഭൗതിക സമന്വയ സ്ഥാപനം തര്‍ബിയ ഖുര്‍ആന്‍ അക്കാദമിയുടെ ഉദ്ഘാടനവും തര്‍ബിയ തഹ്ഫീളുല്‍ ഖുര്‍ആന്‍ കോളജിന്റെ രണ്ടാം ബാച്ചിലേക്ക് പ്രവേശനം നേടിയ വിദ്യാര്‍ഥികളുടെ ക്ലാസ് ഉദ്ഘാടനവും പാണക്കാട് സയ്യിദ് ഹമീദലി ശിഹാബ് തങ്ങള്‍ നാളെ നിര്‍വഹിക്കും.
ഹിഫഌ പഠനം പൂര്‍ത്തിയാക്കിയ വിദ്യാര്‍ഥികള്‍ക്ക് പ്ലസ്ടു, ഡിഗ്രി ഭൗതിക വിദ്യാഭ്യാസവും ഖുര്‍ആന്‍ തഫ്‌സീര്‍ ആഴത്തില്‍ പഠിക്കുന്ന ഫിഖ്ഹ്, ഹദീസ് അടക്കമുള്ള മത വിദ്യാഭ്യാസവും നല്‍കുന്ന ഏഴു വര്‍ഷത്തെ കോഴ്‌സാണ് ഖുര്‍ആന്‍ അക്കാദമിയില്‍ നല്‍കുന്നത്.
ജമാഅത്ത് പ്രസിഡന്റ് ടി.കെ പൂക്കോയ തങ്ങള്‍ ചന്തേര മുഖ്യാതിഥിയായി പങ്കെടുക്കും. തളങ്കര ഇമാം അബ്ദുല്‍ മജീദ് ബാഖവി മുഖ്യ പ്രഭാഷണം നിര്‍വഹിക്കും. 10 മാസം കൊണ്ട് ഖുര്‍ആന്‍ പൂര്‍ണമായും മനഃപാഠമാക്കിയ നജ്മുദ്ധീന്‍ ചന്തേര എന്ന വിദ്യാര്‍ഥിക്കും 12 മാസം കൊണ്ട് മനഃപാഠമാക്കിയ മഹ്ബൂബ് പാലത്തറ എന്ന വിദ്യാര്‍ഥിക്കും സംഗമത്തില്‍ ഉപഹാരങ്ങള്‍ നല്‍കി അനുമോദിക്കും.
മഹല്ല് പ്രസിഡന്റ് എം.സി ഇബ്‌റാഹിം ഹാജി അധ്യക്ഷനാകും.