ജക്കാര്‍ത്ത: രണ്ടു ദിവസം മുന്‍പ് കാണാതായ യുവാവിനെ പെരുമ്പാമ്പ് വിഴുങ്ങിയ നിലയില്‍ കണ്ടെത്തി. 25 കാരനായ അക്ബര്‍ ഇന്തോനേഷ്യ സ്വദേശിയെയാണ് പെരുമ്പാമ്പ് വിഴുങ്ങിയ നിലയില്‍ കഴിഞ്ഞ ദിവസം നാട്ടുകാര്‍ കണ്ടെത്തിയത്. യുവാവ് മരിച്ചതായി പൊലിസ് സ്ഥിരീകരിച്ചു.

ഇന്തോനേഷ്യയിലെ പടിഞ്ഞാറന്‍ സുലാവേസിയിലാണ് സംഭവം. പാമോയില്‍ കര്‍ഷകനായ അക്ബര്‍ സാലുബിറോയെ ഞായറാഴ്ച രാത്രിയാണ് കാണാതായത്. സാധാരണഗതിയില്‍ സ്വന്തം വീട്ടില്‍ നിന്നും പിന്നിലെ പനങ്കാടുകളിലേക്ക് പതിവായി പോകുകയും വൈകിട്ട് തിരിച്ചെത്തുകയും ചെയ്തിരുന്ന അക്ബറിനെ തിങ്കളാഴ്ച രാത്രി ആയിട്ടും കാണാതെ വന്നതോടെയാണ് നാട്ടുകാര്‍ തെരച്ചില്‍ നടത്തുകയായിരുന്നു.

ഇതിനിടയില്‍ പനങ്കാട്ടില്‍ പെരുമ്പാമ്പിനെ കണ്ടെത്തുകയും ചെയ്തു.

സംഭവത്തിന്റെ വീഡിയോ വൈറലായി മാറിയിട്ടുണ്ട്. പാമ്പിന് ഏഴു മീറ്റര്‍ നീളമുണ്ടായിരുന്നെന്നാണ് റിപ്പോര്‍ട്ട്.