ന്യൂഡല്‍ഹി: ആസ്‌ത്രേലിയന്‍ ക്രിക്കറ്റ് താരങ്ങള്‍ തന്റെ സുഹൃത്തുക്കളല്ലെന്ന പരാമര്‍ശം വിവാദമായതോടെ വിശദീകരണവുമായി ഇന്ത്യന്‍ നായകന്‍ വിരാട് കോഹ്‌ലി

രംഗത്ത്.

ഓസീസ് ടീം സുഹൃത്തുക്കളല്ലെന്ന് താന്‍ പറഞ്ഞിട്ടില്ലെന്ന് കോഹ്‌ലി വ്യക്തമാക്കി. തന്റെ വാക്കുകള്‍ വളച്ചൊടിച്ചതാണ്.
ടീമിലെ ചില വ്യക്തികളോട് മാത്രമാണ് വിരോധമുള്ളത്. റോയല്‍ ചലഞ്ചേഴ്‌സ് ബാംഗ്ലൂരില്‍ തനിക്കൊപ്പം കളിച്ച കുറച്ച് ഓസീസ് താരങ്ങളുമായുള്ള സൗഹൃദം തുടരും. അതില്‍ ഒരു മാറ്റമുണ്ടാകില്ലെന്നും അദ്ദേഹം വിശദമാക്കി.

കോഹ്‌ലിയുടെ പരാമര്‍ശത്തിനെതിരെ ആസ്‌ത്രേലിയന്‍ മാധ്യമങ്ങള്‍ ഒന്നടങ്കം രംഗത്തുവന്നിരുന്നു. 'ക്ലാസ്‌ലെസ് കമന്റ്' എന്നായിരുന്നു മാധ്യമങ്ങള്‍ ഇതിനെ വിലയിരുത്തിയത്.

ടെസ്റ്റ് പരമ്പര നേട്ടത്തിന് ശേഷം നടത്തിയ വാര്‍ത്താ സമ്മേളനത്തിലായിരുന്നു കോഹ്‌ലിയുടെ പരാമര്‍ശം.