കോഴിക്കോട്: എസ്.എസ്.എല്‍.സി ചോദ്യപേപ്പര്‍ ചോര്‍ന്ന സംഭവത്തില്‍ പ്രതിഷേധിച്ച് കെ.എസ്.യു കോഴിക്കോട് ഡി.ഡി.ഇ ഓഫിസിലേക്ക് നടത്തിയ മാര്‍ച്ചില്‍ സംഘര്‍ഷം. ഇന്നു രാവിലെ പത്തിനു നടന്ന മാര്‍ച്ച് ഓഫിസിനു മുന്‍പില്‍ പൊലിസ് തടഞ്ഞു. തുടര്‍ന്ന് ഡി.സി.സി പ്രസിഡന്റ് ടി സിദ്ദീഖ് മാര്‍ച്ച് ഉദഘാടനം ചെയ്തു.

പിന്നീട് പ്രവര്‍ത്തകര്‍ പൊലിസ് ബാരിക്കേഡ് മറികടക്കാന്‍ ശ്രമിക്കുന്നതിനിടെ പൊലിസ് ലാത്തി വീശുകയും ജലപീരങ്കി പ്രയോഗിക്കുകയും ചെയ്തു. പ്രവര്‍ത്തകര്‍ വാഹനങ്ങള്‍ തടയാന്‍ ശ്രമിച്ചതും സംഘര്‍ഷത്തിനിടയാക്കി. സംഭവത്തില്‍ നിരവധി കെ.എസ്.യു പ്രവര്‍ത്തകര്‍ക്ക് പരുക്കേറ്റു. വിദ്യാഭ്യാസ മന്ത്രിയുടെ രാജി ആവശ്യപ്പെട്ടായിരുന്നു മാര്‍ച്ച് സംഘടിപ്പിച്ചത്.