മലപ്പുറം: സമസ്ത കേരള ഇസ് ലാം മതവിദ്യാഭ്യാസ ബോര്‍ഡിനു കീഴില്‍ പ്രവര്‍ത്തിച്ചു വരുന്ന അല്‍ബിര്‍റ് വിദ്യാലയങ്ങളുടെ സംസ്ഥാനതല പ്രവേശോത്സവം ഇന്ന് രാവിലെ 9 മണിക്ക് മഞ്ചേരി പൂക്കൊളത്തൂര്‍ തര്‍ബിയതുല്‍ ഉലൂം മദ്‌റസയില്‍ നടക്കും.
സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ഉമര്‍ ഫൈസി മുക്കം അധ്യക്ഷനാകും. അബ്ദുസമദ് പൂക്കോട്ടൂര്‍ മുഖ്യപ്രഭാഷണം നടത്തും.
പി. ഉബൈദുല്ല എം.എല്‍.എ, കെ.മോയിന്‍കുട്ടി മാസ്റ്റര്‍, ഡോ. അബ്ദുല്‍ ഗഫൂര്‍, ഇസ്മാഈല്‍ മുജദ്ദിദി, ഫൈസല്‍ ഹുദവി, ഹസന്‍ മാസ്റ്റര്‍, അബ്ദുറഹിമാന്‍ ദാരിമി തുടങ്ങിയവര്‍ പങ്കെടുക്കും. കുട്ടികളുടെ വിവിധ പരിപാടികളും നടക്കും.