കോവളം: സഞ്ചാരികളുടെ ദീര്‍ഘകാലത്തെ ആവശ്യത്തിന് പരിഹാരമായി കോവളം ലൈറ്റ്ഹൗസ് വളപ്പില്‍ ഇ ടോയ്‌ലെറ്റുകള്‍ സ്ഥാപിച്ചു. രാജ്യത്തെ തന്നെ പ്രധാന ടൂറിസം കേന്ദ്രമായിട്ടും പ്രാഥമികാവശ്യങ്ങള്‍ നിര്‍വഹിക്കാന്‍ ടോയ്‌ലെറ്റുകള്‍ ഇല്ലാതിരുന്നത് ഇവിടെയെത്തുന്ന സഞ്ചാരികളെ ദുരിതത്തിലാക്കിയിരുന്നു. സ്വച്ച് ഭാരത് പക്ഷാചരണത്തിന്റെ ഭാഗമായി കഴിഞ്ഞ രണ്ടാഴ്ചയായി ഡയറക്റ്ററേറ്റ് ഓഫ് ലൈറ്റ് ഹൗസ് ആന്റ് ലൈറ്റ് ഷിപ്പ്‌സ് നടത്തിവരുന്ന ശുചീകരണ ബോധവല്‍കരണ യജ്ഞത്തിന്റെ ഭാഗമായാണ് ഇ ടോയ്‌ലറ്റുകള്‍ സ്ഥാപിച്ചത്. ഡയറക്ടര്‍ മധുകര്‍ ബുഡാദേ, ഡെപ്യൂട്ടി ഡയറക്ടര്‍ രവിചന്ദ്രന്‍ എന്നിവരുടെ നേതൃത്വത്തില്‍ ഇ ടോയ്‌ലറ്റ് പൊതു ജനങ്ങള്‍ക്ക് തുറന്നകൊടുത്തു.