തൃശൂര്‍: ജില്ലാ മദാനാപാഷനോടനുബന്ധിച്ച് കൊണ്ടുള്ള പ്രതിനിധി സമ്മേളനം നാളെ രാവിലെ 8 മണിമുതല്‍ 5 മണി വരെ തൃശൂര്‍ റീജനല്‍ തിയ്യറ്ററില്‍ നടക്കും. എസ്.കെ.എസ്.എസ്.എഫ് മുന്‍ സംസ്ഥാന പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും.
സംഘാടക സമിതി വര്‍ക്കിംഗ് ചെയര്‍മാന്‍ നാസര്‍ ഫൈസി തിരുവത്ര അധ്യക്ഷനാകും. ജില്ലാ പ്രസിഡന്റ് സിദ്ദീഖ് ബദ്‌രി പ്രതിജ്ഞ ചെല്ലിക്കൊടുക്കും. ജനറല്‍ സെക്രട്ടറി ഷെഹീര്‍ ദേശമംഗലം ആമുഖപ്രഭാഷണം നടത്തും. എസ്.കെ.എസ്.എസ്.എഫ് സംസ്ഥാന ട്രഷററും ക്യമ്പ് അമീറുമായ ബഷീര്‍ ഫൈസി ദേശമംഗലം പ്രതിനിധികള്‍ക്കുള്ള മാര്‍ഗ നിര്‍ദ്ദേശങ്ങളും സംസ്ഥാന വര്‍ക്കിംഗ് സെക്രട്ടറി റശീദ് ഫൈസി വെള്ളായിക്കോട് മദീനാ പാഷന്റെ ലക്ഷ്യത്തെ സംബന്ധിച്ച് വിവരണവും നടത്തും.
ഗ്രാന്റ് അസംബ്ലിയോടെയാണ് ക്യാംപ് ആരംഭിക്കുക. മുന്‍കൂട്ടി രജിസ്റ്റര്‍ ചെയ്ത പ്രതിനിധികളാണ് ക്യാംപില്‍ പങ്കെടുക്കുന്നത്. ആദര്‍ശ ഭദ്രത ആത്യന്തിക വിജയത്തിന് എന്ന വിഷയത്തില്‍ എം.ടി അബൂബക്കര്‍ ദാരിമി, ഉസ്‌വത്തുന്‍ ഹസന ജീവിത ശൈലിയാകുന്നു എന്ന വിഷത്തില്‍ ആനമങ്ങാട് മുഹമ്മദ് കുട്ടി ഫൈസിയും സമസ്ത വിശ്വ ഇസ്‌ലാമിക ഏകകം എന്ന വിഷയത്തില്‍ അബ്ദുസമദ് പൂക്കോട്ടൂരും എസ്.കെ.എസ്.എസ്.എഫ് വിത്ത് ന്യൂജന്‍ ഹോപ്‌സ് എന്ന വിഷയത്തില്‍ ഓണമ്പിളളി മുഹമ്മദ് ഫൈസിയും ക്ലാസെടുക്കും. അഡ്വ ഹാഫിള് അബൂബക്കര്‍ സിദ്ദീഖ്, ഇബ്രാഹീം ഫൈസി പഴുന്നാന, ഷാഹിദ് കോയ തങ്ങള്‍, സിദ്ദീഖ് ഫൈസി മങ്കര, നാസര്‍ ഫൈസി കരൂപടന്ന, ഷുകൂര്‍ ദാരിമി, അമീന്‍ കൊരട്ടിക്കര, ഹാരിസ് ചൊവ്വല്ലൂര്‍പടി എന്നിവര്‍ വിവിധ സെഷനുകള്‍ പരിചയപ്പെടുത്തി സംസാരിക്കും.
കാലത്ത് 11 മണിക്ക് നടക്കുന്ന തലമുറ സംഗമം ഖത്തര്‍ ഇസ്‌ലാമിക് സെന്റര്‍ പ്രസിഡന്റും സുപ്രഭാതം ഡയറക്ടറുമായ ഉസ്താദ് എ.വി അബൂബക്കര്‍ ഖാസിമി ഉദ്ഘാടനം ചെയ്യും. ബഷീര്‍ ഫൈസി ആനക്കര അധ്യക്ഷനാകും.
സയ്യിദ് ശിഹാബ് തങ്ങള്‍ കരൂപടന്ന പ്രാര്‍ത്ഥന നടത്തും. ടി.എസ് മമ്മി ആമുഖവും മുഹ്‌യിദ്ദീന്‍ ആറ്റൂര്‍ സ്വാഗതവും പറയും. ഹൈദരലി സഅദി, അലി അക്ബര്‍ ഫൈസി, ജാഫര്‍ മാസ്റ്റര്‍ വാടാനപ്പളളി, ഉസ്മാന്‍ മുസ്‌ലിയാര്‍ ആറ്റൂര്‍, സുലൈമാന്‍ ദാരിമി കടവല്ലൂര്‍, എം.എ ഇബ്രാഹീം പഴയന്നൂര്‍, ജലീല്‍ കൊരട്ടിക്കര, അബ്ദുറഹ്മാന്‍ പടിഞ്ഞാക്കര, ശംസുദ്ദീന്‍ വില്ലനൂര്‍, ബഷീര്‍ എം.എ വെന്‍മേനാട്, പി.എ.എം അഷ്‌റഫ് ദേശമംഗലം, ജാഫര്‍ സ്വാദിഖ് കല്ലൂര്‍, അബ്ദുല്‍ കരീം മൗലവി അഴീക്കോട്, സലാം ബ്ലാങ്ങാട്, മൂസ വാഫി, എം, എച്ച് നൗഷാദ്, അഷ്‌റഫ് മൗലവി കുഴിങ്ങര, മൊയ്തീന്‍ പല്ലാരിമംഗലം, കുട്ടി മൗലവി, ഹുസൈന്‍ മൗലവി, സി.ബി റശീദ് അണ്ടത്തോട്, ഉമര്‍ ചക്കനാത്ത്, ഷരീഫ് ചിറക്കല്‍, മുഹമ്മദ് ഫൈസി കടപ്പുറം, ഇസ്ഹാഖ് കൈപമംഗലം, നൗഷാദ് ആല്‍ത്തറ പങ്കെടുക്കും.