ചാലിശ്ശേരി: ചാലിശ്ശേരി ഗ്രാമപഞ്ചായത്ത് അക്കാദമി ഹബ്ബിന്റെ ആഭിമുഖ്യത്തില്‍ എസ്.എസ്.എല്‍.സി, പ്ലസ്ടു, വി.എച്ച്.എസ്.ഇ വിദ്യാര്‍ഥികള്‍ക്കും രക്ഷിതാക്കള്‍ക്കുമായി സംഘടിപ്പിച്ച കരിയര്‍ കാര്‍ണിവെല്‍ തൃത്താല എം.എല്‍.എ വി.ടി. ബല്‍റാം ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ടി.കെ. സുനില്‍കുമാര്‍ അധ്യക്ഷനായി. കരിയര്‍ മേഖലകളെ കുറിച്ച് കോഴിക്കോട് സി.ഐ.ജി.ഐയിലെ സീനിയര്‍ കരിയര്‍ കൗണ്‍സിലര്‍ ജമാലുദ്ധീന്‍ മാളിക്കുന്ന് ക്ലാസെടുത്തു. ഡോ.അബേദ്കര്‍ ഹാളില്‍ നടന്ന പരിപാടിയില്‍ അഞ്ഞൂറോളം വിദ്യാര്‍ഥികളും രക്ഷിതാക്കളും പങ്കെടുത്തു.
ചടങ്ങില്‍ തെരഞ്ഞെടുക്കപ്പെട്ട എസ്.സി. വിദ്യാര്‍ഥികള്‍ക്ക് ലാപ്‌ടോപ് വിതരണവും നടന്നു.