.മണ്ണഞ്ചേരി :വൈദ്യുതി യന്ത്രങ്ങള്‍ വാടകയ്‌ക്കെടുത്ത് വില്‍പ്പനനടത്തിവന്ന യുവാവിനെ പൊലിസ് പിടികൂടി. മണ്ണഞ്ചേരി പഞ്ചായത്തില്‍ 13 -ാം വാര്‍ഡില്‍ ചീരപറമ്പില്‍ വീട്ടില്‍ സന്തോഷ്(40) ആണ് അറസ്റ്റിലായത്.
മണ്ണഞ്ചേരി,ആര്യാട്,മാരാരിക്കുളം,ചേര്‍ത്തല തെക്ക് എന്നിവിടങ്ങളില്‍ നിന്നും നിരവധി പേരില്‍നിന്നും ഇയാള്‍ യന്ത്രസാമഗ്രഹികള്‍ കൈക്കലാക്കിയിരുന്നതായി മണ്ണഞ്ചേരി എസ്.ഐ കെ.രാജന്‍ബാബു പറഞ്ഞു. ഓരോ പ്രദേശത്തും എത്തി സൗഹൃദംകൂടിയശേഷം ഇവരെ സാക്ഷിയാക്കി ഇലക്ട്രിക് ഉപകരണങ്ങള്‍ വാടകയ്ക്കായി എടുക്കുകയാണ് ഇയാളുടെ തട്ടിപ്പുരീതി. ഇയാളെ അറസ്റ്റ് ചെയ്തതറിഞ്ഞ് നിരവധി പരാതികള്‍ വന്നുകൊണ്ടിരിക്കുകയാണ്. മണ്ണഞ്ചേരി പൊലീസ് അറസ്റ്റുചെയ്ത സന്തോഷിന് അന്വേഷണഭാഗമായി അര്‍ത്തുങ്കല്‍ പൊലീസിന് കൈമാറിയിരിക്കുകയാണ്. പലരില്‍ നിന്നും പണം വായ്പ്പയായി വാങ്ങിയിട്ട് തിരികെ നല്‍കുന്നില്ലെന്ന പരാതിയും ഇയാള്‍ക്കെതിരെ നിലവിലുണ്ട്. കഴിഞ്ഞ ദിവസം മാരാരിക്കുളം സ്വദേശിയായ ഓട്ടോറിക്ഷാ ഡ്രൈവ്വര്‍ ആണ് ബസില്‍ യാത്രചെയ്യുന്ന സന്തോഷിനെക്കുറിച്ച് പൊലീസില്‍ വിവരം നല്‍കിയത്.