കണ്ണൂര്‍: ജില്ലയിലെ ഒരു നഗരസഭയിലേയും രണ്ട് പഞ്ചായത്തുകളിലെയും ഓരോ വാര്‍ഡുകളിലേക്ക് നടന്ന തെരഞ്ഞെടുപ്പില്‍ എല്‍.ഡി.എഫിന് നേട്ടം. ഇരിട്ടി നഗരസഭയിലെ 33ാം വാര്‍ഡ് ആട്യാലത്തിലേക്ക് നടന്ന തെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥി കെ. അനിത ജയിച്ചു. അനിതയ്ക്ക് 460 വോട്ടും യു.ഡി.എഫ് സ്ഥാനാര്‍ഥി പി. രത്‌നമണിക്ക് 207 വോട്ടും ബി.ജെ.പി സ്ഥാനാര്‍ത്ഥി പി.സി ലിജിന മോള്‍ക്ക് 44 വോട്ടും ലഭിച്ചു. ഉളിക്കല്‍ പഞ്ചായത്തിലെ 9ാം വാര്‍ഡ് കതുവാപ്പറമ്പില്‍ നടന്ന തെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥി ജെസ്സി ജെയിംസ് നടയ്ക്കല്‍ ജയിച്ചു. ജെസ്സി ജെയിംസിന് 710 വോട്ടും എല്‍.ഡി.എഫ് സ്വതന്ത്ര സ്ഥാനാര്‍ഥി മറിയാമ്മ ബെന്നിയ്ക്ക് 422 വോട്ടും ബി.ജെ.പി സ്ഥാനാര്‍ഥി രമ്യ അനില്‍ ഒതയോത്തിന് 51 വോട്ടും ലഭിച്ചു. പാപ്പിനിശ്ശേരി പഞ്ചായത്തിലെ 3ാം വാര്‍ഡ് ധര്‍മ്മക്കിണറിലേക്ക് നടന്ന തെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥി എം. സീമ ജയിച്ചു. സീമയ്ക്ക് 621 വോട്ടും യു.ഡി.എഫ് സ്ഥാ നാര്‍ഥി കെ. കുട്ടികൃഷ്ണന് 143 വോട്ടും ലഭിച്ചു.