കാക്കനാട്: എസ്.എസ്.എല്‍.സി, ഹയര്‍ സെക്കന്‍ഡറി പരീക്ഷകളുടെ ചോദ്യപേപ്പര്‍ ചോര്‍ച്ചയില്‍ വിദ്യാഭ്യാസ മന്ത്രി രാജിവയ്ക്കണമെന്നും സംഭവത്തില്‍ ജുഡീഷ്യല്‍ അന്വേഷണം നടത്തണമെന്നാവശ്യപ്പെട്ടും കാക്കനാട്ട് യു.ഡി.എഫ് പ്രവര്‍ത്തകര്‍ പ്രകടനം നടത്തി.
എന്‍.ജി.ഒ ക്വാര്‍ട്ടേഴ്‌സില്‍ നിന്നും ആരംഭിച്ച പ്രകടനം കാക്കനാട് ജങ്ഷനില്‍ സമാപിച്ചു, യു.ഡി.എഫ് നേതാക്കളായ ജോഷി പള്ളന്‍, പി.കെ ജലീല്‍, ഷാജി വാഴക്കാല, സി.കെ മുഹമ്മദലി, എം.ഒ. വര്‍ഗീസ്, പി.എം യൂസഫ്, ഉണ്ണി കാക്കനാട്, റാഷിദ് ഉള്ളംപിള്ളി, പി.എം മാഹിന്‍കുട്ടി, കെ.എന്‍ നിയാസ് തുടങ്ങിയവര്‍ നേതൃത്വം നല്‍കി.