പാലക്കാട്: ഭാരതീയ ചികിത്സാ വകുപ്പ് പെരുവെമ്പ് ഗ്രാമ പഞ്ചായത്തിന്റെ സഹകരണത്തോടെ പെരുവെമ്പ് ഗവണ്‍മെന്റ് ആയുര്‍വേദ ഡിസ്‌പെന്‍സറിയില്‍ മഴക്കാല രോഗ പ്രതിരോധ സൗജന്യ മെഡിക്കല്‍ ക്യാംപും ഔഷധ വിതരണവും നടത്തി. ഗ്രാമ പഞ്ചായത്ത് പ്രസിഡന്റ് സി ശശികല ക്യാംപ് ഉദ്ഘാടനം നിര്‍വ്വഹിച്ചു. വൈസ് പ്രസിഡന്റ് വി ബാബു അധ്യക്ഷനായി. മെഡിക്കല്‍ ഓഫിസര്‍മാരായ ജയന്തി വിജയന്‍, കെ ശിവദാസ് മേനോന്‍, വി.വി ബിജി എന്നിവര്‍ ക്യാംപിന് നേതൃത്വം നല്‍കി. ഭരണസമിതി അംഗങ്ങളായ സി ഭാഗ്യവതി, രാജ്കുമാര്‍, ആര്‍ കണ്ണനുണ്ണി, എസ് പ്രദോഷ് എന്നിവര്‍ സംസാരിച്ചു. ഇരുന്നൂറോളം പേര്‍ ക്യാംപില്‍ പങ്കെടുത്തു.