എടപ്പാള്‍:അമിത വൈദ്യുതിപ്രവാഹംമൂലം പൊല്‍പ്പാക്കരയില്‍ നിരവധി വീടുകളില്‍ വൈദ്യുതോപകരണങ്ങള്‍ കത്തിനശിച്ചു. കഴിഞ്ഞ ദിവസമാണ് മേഖലയിലെ ചിലഭാഗങ്ങളിലെ വൈദ്യുതിലൈനില്‍ അമിത വോള്‍ട്ടേജ് പ്രവഹിച്ചത്. ടി.വി, ട്യൂബ് ലൈറ്റുകള്‍, ഫാനുകള്‍ തുടങ്ങിയ വൈദ്യുതോപകരണങ്ങള്‍ നശിച്ചു.
പലരുടെയും വീടുകളില്‍ ആയിരങ്ങളുടെ നഷ്ടമാണ് സംഭവിച്ചിട്ടുള്ളത്.
വൈദ്യുതി ഓഫിസില്‍ വിവരമറിയിച്ചതനുസരിച്ച് ജീവനക്കാര്‍ പരിശോധിച്ചെങ്കിലും കൃത്യമായ വിശദീകരണം നല്‍കിയിട്ടില്ല.